الدكتورة والمسكين
أنا لسه فاكر ذكرياتك
ولسه فاكر السنين
وفاكر وأنتى فى سنة أولى
وأنتى بتبكى بدمع العين
بس أنا كانت عينى عليكى
كنتى سمره أنا مش ناسيكى
وكانت ليكى ضحكه حلوه
لما عنيا تيجى فى عنيكى
وكنت بصحى الصبح بدرى
عشان أصتبح بيكى
يومى كله بيبقى جميل
داغير حلم الليل بيكى
ولما العمر جري بينا
كان حبك يكبر معاه
كبرتى وبقيتى دكتورة
وأنا يادوب أخدت الدبلوم
مش هجيب اللوم عليكى
أنا إللى كنت بيكى مجنون
هعمل ايه لقلبى الحنين
يكون زى ما هو يكون
وكل ما عايز أقرب ليكى
يقولى إرجع يامجنون
دى معاه الدكتوراه
وأنت يادوب حتت دبلوم
ويوم ما حكيتلها ع إللى فى قلبى
وحبها زاد يوم عن يوم
وإن القلب إتعلق بيكى
يعلم الحى القيوم
كانت صدمه لما قالتلى
أنا دكتوره.. يا ابو دبلوم
........الشاعر أحمد الحامدى.......
