الست في أي خِلاف بتجيب القديم والجديد

كتب/ حسام رجب الوزيري   

  الست في أي خِلاف بتجيب القديم والجديد ودا مش عشان هي غاوية نكد، لأ دا عشان القديم ما اتحلّش، والشخص اللي معاها عَند وصمم على رأيه، فالموضوع اتأرشف عندها لكن ما اتنساش.خُدها نصيحة: الست أسهل حد يتراضى، فبدل ما تعند طبطب، وبدل ما تركن الموّضوع حِلُّه، عشان تأجيل المشاكل هيوسّع الفجوة بينكو، وواحدة واحدة هتلاقي الحلو اللي بينكو ضاع وما بقاش موجود غير شخصين ما بيعملوش حاجة في حياتهُم غير إنُّهم بيتخانقو مع بعض طول الوقت وبس.