بين الجناين ... الشاعر/ أحمدالحامدى
بين الجناين رأيت خلي بيتعاجب
بجمال خطاويه ومكحل الحاجب
ولابس فستان موضه ومبين مفاتينه
ومنزل الشعر الحرير بيرفرف على جبينه
وساند على الفرع الأخضر يتمايل شماله ويمينه
ويميل عليه الفرع الأخضر يشوف جمال عينه
مين ليه خل زى خلي وجماله
يكتب فيه أشعار ويكيد عزاله
بغير عليه من الهواء لوطير فستانه
دا لو الهواء إنسان كنت سجنته وبقيت سجانه
وأفضل أراقب خلى وهو بيغنى
وأتوه فى جمال ألحانه
خلي زى الدهب من نظره يملى العين
وياجمال الوردعلى خدوده ياصلاة الزين
مش قادر أوصف حلاوته
وجماله خلي زى البدر ليلة تمامه
ولو حكيت على طيبة القلب
مفيش زى طيبته وحنانه
حضن خلي كله دفا وحنان
خالى من الوجع وخالى من الأحزان
يارب إحفظ حبيبى من عيون الناس
وإللى فى يوم يلوم عليا يارب إسقيه من نفس الكاس
