حسام رجب الوزيري ( عمرك ما هتقابل شخص شاطر وسوي فكرياََ بيعمل دوشة وهو بيشتغل )

  عمرك ما هتقابل شخص شاطر وسوي فكرياََ بيعمل دوشة وهو بيشتغل، ديماََ بيبقا حاجة كدا زي السهل الممتنع، العشر دقايق شغل منه بساعات شغل من ناس تانية عاملة نفسها بتشتغل.سر ثقته إنه تعب كتير علشان يوصل للمرحلة دي، وتلاقيه بيتعامل بمنتهى الثبات والثقة والهدوء.دايماََ هتلاقي عنده سلام نفسي مش هيموته مثلاََ لو ماتقدرش ودا لأن قدراته أكبر من تقدير اللي حواليه وهو عارف كدا كويس.مش هيضايقه أبداََ وجود منافسين؛ لأن ببساطة هو في مستوى تاني وغرقان في أهدافه وشغال عليها، فكل اللي حواليه مش في دايرة اهتمامه اساساََ.أي حد هيحاول يحاربه هيضيع وقته؛ لأنه هيخوض حرب لوحده هو مش هيكون طرف فيها أصلاََ؛ لأنه شغال في حتة تانية خالص.الشاطر كل يوم بيشتغل على حاجة جديدة، فتلاقي خبرته سابقة خبرة ناس ضعف عمره من اللي عايشين بيكرروا نفس الحاجة كل يوم.بعد دا كله تلاقي الشاطر دا متواضع جداََ؛ لأنه عارف إن لسة فاضله كتير؛ علشان هو كل يوم غير اليوم اللي قبله.