زاى تبقى ولى أمر ناجح عشان ابنك أو بنتك يبقوا أبطال

كتب/ حسام رجب الوزيري  

 أولا البدايه

الكاراتيه  فى كل الدول المتقدمة حتى سن ١٣ سنه رياضة مرح هتضغط على ابنك او بنتك عشان فلان علق ميداليه والا بنت فلانه سبقت بنتك انسوا الكلام ده  اقل من واحد بالمائه من الاوائل فى السن ده بقوا ابطال فى مرحلة ديثانيا متبصش لغيرك ينهار مش فايت الولد ابن استاذ فلان السنه اللى فاتت ابنى كان بيكسبوا شوفوا دلوقتى بيكسب ابنى ... ايوا يا فندم بيكسب ابنك عشان فى مرحله اسمها مرحله البلوغ وابن حضرتك لسه وابن فلان اللى مزعلك بتحسنه بلغ وجسمه بقا اكبر واقوى ونحب نطمنك ان ابنك لما هيبلغ هيفرحك بس انت متتغطش عليه و دعم فيه الثقه بالنفسثالثا الناس اللى خرجوا برايفت كلهم كويسسيناكيد يا فندم الناس اللى بتتمرن برايفت بتدفع فلوس للكومتيه  والفتنس والتغذية والانسان لما بيدفع بيلتزم يبقا هما نجحوا عشان التزموا جرب انت تلتزم كده وشوف ابنك او بنتك هينجحوا ازاى يبقى منعلقش اخطأنا على شماعة غيرنارابعا اوعى تكون من القطيعفى اى نادى وفى كل مرحلة سنيه هتلاقى ولى امر او اتنين بيلعبوا دور الكومندا او القائد وهيفهموك انهم عايزين المصلحه العامه للفرقة ويسخنوك عشان تعمل بلاوى والا هتبقا فى نظرهم ضعيف ..دول بقا لا يهمهم مصلحه عامه ولا حاجه كل همهم انهم يعرفوا المدربين ان صوتهم جامد فيهتموا بولادهم وينسوا الباقى اوعى تبقا من القطيع اللى بيساعدهم اوعى عشان ابنك او عشان بنتك انتوا اللى بتعملوه قائد وانتم اللى هيتم اهمال ولادكم فى الاخر .. خدوا بالكمخامسا الاحتواءلما ابنك او بنتك ما يوفقش فى بطولة بلاش نجيب القديم والجديد ونقلب عليه المواجع كلها وانوا كان مهمل و عنده لامبالاه والكلام الكتير اللى بيوجع ... كده هتخليه يكره الكاراتيه  ويكرهكوا انتوا كمان ، هو محتاج كلام فى الفتره ديه يخرجوا من اللى هو فيه زى احنا لسه فى اول المشوار ولسه هنكسب وهنخسر وبعد كده اعرفوا انتوا قصرتم فى ايه وعالجوه بهدوء سادسا متعومش على عوم حداولياء الامور لما بتقعد مع بعضها بيكلموا على المدرب وتلاقى ناس بتسخنك ان المدرب مش كويس ومفيش اى جديد مع الفريق والناس دول اصلا هتلاقيهم مش ملتزمين  بس مبدأهم يانعيش عيشه فل يا نموت احنا الكل يعنى مش ملتزم ومش عايز حد يبقا كويس ولو جبتلو مدرب من السما هيطلع فيه القطط الفاطسه ..خدوا بالكمسابعا متسمعش لحد ركز مع ابنك او بنتك وسيبك من اى كلام حوليك اصلا فلان بيقول ان ابنك ضعيف فى المهاره ديه وان هيجيلوا اصابه و كلام من اللى بيهدى النفوس اوعى حد يسخنك عشان فلان عايز يوقعك مع فلان وانت تفقد تركيزك مع اولادك ويجرك لحته تانيه خالص و فى الاخر انت اللى هتطلع غلطان.. بتبصلنا كده ليه ايوا هتطلع غلطاناخيرا ابعد عن المشاحنات وعن كلام المحيطين ولو قعدت فى قعدة جايبن سيرة فلان سلم وامشى واوعى تتكلم على حد عشان الكلام هيوصلو بعد دقيقتين وركز مع ابنك عشان جلسات النميمه ديه انت ملكش فيها انت هدفك هو نجاح ابنك اوعى حد يبعدك عن الهدف ده واوعى تستعجل نجاح ابنك وانو يعلق بدرى عشان تفرح فرحة السراب او الفرحة المؤقته لا احنا عايزنك تفرح فرحة مستمرة بنجاح ابنك فى الرياضه الي بيحبها و اخيرا اوعى تستكتر حاجه على ابن فلان او بنت فلانه عشان ربنا يكرمك .. وحاول توفر لابنك مناخ جيد ومتخلهوش تحت ضغط وان شاء الله ربنا يوفق اولادكم وبناتكم ونشوفهم أبطال.