( ساعدني ) كلمات الشاعر / ياسر احمد عوض
( ساعدني )
ساعدني القي نفسي
وارجعلها من تاني
مهموم وزهقت من ياسي
والدنيا مش رحمانى
اعمل ايه قلي ريحني
وحياتي مفهاش شئ يفرحني
محروم من السعاده
مش لاقي راحة البال
مسجون وساجن نفسي
من غير قيود ولاسجان
الكل جاي عليا
عشان طيب وغلبان
ساعدني خليك جنبي
انا شايل حمل جبال
مخنوق ومهضوم حقي
والوجع فيا يمين وشمال
لاحاجه بتفرحني
ولا كلمه حلوه بتريحني
ساعدني امشي طريقي
ويارب خد بايدي
دنا في حالي
نفسي اعيش ذي اي انسان
من غير جراح ولا وجع
واكون حر وليا كيان
ارفع راسي لفوق
واعدي بحور واطلع جبال
اغير حالي وافوق
واتحدي نفسي وماعيشي جبان
ساعدني القي نفسي.
