فاتنتي.

زي أمبارح من سنه عدت..

. أم قوام مفتول وجميل...

 ظهرت من الحاره الأرض إتهدت...

 شوفيتها تشفي ألف عليل....... 

عليها قوام مش موجود... 

لما بتمشي بتتمايل  ...

 تشوفها تقول يازينة العود...

 ياربي هاتها جمايل....... 

خطر في بالي أتقدم ليها... 

واشوف المهر مطلوب كام...

 ومن عيون الناس أحميها... 

زي ما قال دين  الإسلام....... 

قال أبوها دي مهرها غالي...

 وكل حاجه بالجرام... 

قولت يعني هتدهاني...

 بدل ما نكتر في الكلام.......

 قال مهر لشعرها السفاح ... 

ومهر لجناين  الرمان... 

ومهر لخدها  التفاح... 

ومهر لعيونها الغزلان.......

 ومهر لخصرها الملفوف...

 ومهر للخوخ الرويان... 

تفاصيلها عندي ومش مكسوف ...

 ومهر لقعر الفنجان.......

 وتشتري  قصر بالخدام... 

ومرسيدس قدام الباب...

 ومش هكتر في الكلام...

 يا تخلينا أحسن أحباب....... 

قولت ياراجل دا أسمه كلام ...

 هي بيعه ولا شروه ... 

أنت  عايش في الأوهام ... 

دا أنا شاب عايش ع الكروه.......

 قال أنا بنتي مهرها غالي ... 

صحيح فقري وعايز تحب...

 دي ست البنات وقدرها عالي... 

أمشي من هنا يلا قب....... الشاعر احمد الحامدي...