( كفايه عناد ) لشاعر احمد الحامدى
مش كل طلعة شمس
أصحى على كوابيس
تطمسلي يومي طمس
ووشي للتدبيس.
.لازرع يطرح ثمر
ولا ورق للكراريس
ولا ربنا بكده أمر
ومأجرين بلاليص
عديت نجوم السما
ونهاري أصبح ليل
والضهر داب وأنحنى
وخليكوا في التضليل.
.رغيفكوا بقى مغشوش
وإيه ذنبي أعيش مذلول
ليه كل يوم بوشوش
وتقولي عيش ع الفول
.صرفت غالي ونفيس
ع الأكل والأنابيب
ذنبي أصتبح بلميس
وأتمسا بعمرو أديب
.كل حاجه معاكم ساهله
بس عشان أصحاب ملايين
بس أنا جتتي مش حامله
عشان تبيعني بالتقنين
يلا بلاها عيشه وهم
هو الكيل من نفسه زاد
ياريت نقدر نزيح الغم
ونقولك كفايه عناد
