لقمة عيش..

من وقت ماوعيت عالدنيا وعرفت اصلها وفصلها. 

وانا بحاول افهمها من ساسها للراسها. وحاولت علي قد ما قدرت وبرضو حويطه وبحورها غويطه ومكاره لا تعرف تضحك عليها ولا تعرف تصاحبها ملهاش امان الدنيا ملهاش امان فيها الحنان والقسوه والطيب المسكين والندل الجبان فيها الحرامي والعصامي اللي مشي فيها خطوه خطوه وكافح بكل شرف واخلاص وحارب ايوه حارب، علشان لقمة العيش..... لقمة العيش بتاخد منا تعب وعرق ومجهود وساعات دم وهم مايتلم فينا اللي بيخرج من الفجريه بيجري علشان يلحق ياخد نصيبه من مقسم الارزاق... بيقف علي، رجله طول النهار فوقه  واقفه الشمس حاميه وشعاعها بيزغلل عينه وعلي جبينه بيصب عرق بآسمترارلكن بيصبر ويعافر ويعمل بكل عزيمه واصرار علشان لقمة عيشه بيشرب من الحنضل ويدوق، من الصبارعلشان يرجع لآهل بيتة بقرش يآكل بيه ولاده وام العيالوفينا اللي بيتغرب عن بلده ويسيب ناسه واهله وجيرانه ومراتة وعياله كمان علشان يلاقي لقمة عيش... تكفيه وتكفي العيال علشان لقمه حلوه وهدمه حلوه تكسيه وتستره ويستر مراته والعيال... هناك في الغربه مفيش هزار فيه عمل شد وربط ولاويح ورتين وكفيل ومشقه تهد جبال... بيقبل ويجي علي حساب نفسه علي حساب راحتة وعلي حساب جسده بيهلك نفسه وبيحط كله همه في عملهلآنه عارف ان لو ماتعبش وماكفحش هنا في الغربهمش هايلاقي لقمة عيش.... لقمة العيش صعبه ومره ومش بالساهل ورغم الارذاق علي الله الا، انه، امرنا اننا دايما نسعي علي لقمة العيش افضل، واشرف، لنا من اننا نتسول ونمد ايدنا واحنا بصحتنا وعافيتنا ونقول لله.... لقمة العيش شرف واجب، علينا نعمل لها الف حساب ومانخفش ومانكسفش من حد من عملنا لو كان صغير او محرج مش عيب دا مصدر رذقك وربنا كتبهولك ومقسمهولك علشانك، وعلشان، العيال واعلم ان العمل عباده وانه في الاول وفي الاخر شرفلو بالحلال  وانه لقمة عيش.

بقلم المحرر الشاعر الغنائي /ياسر احمد عوض