هو( الزواج حلو) بقلم حسام رجب الوزيري

 س/ هو الزواج حلو؟

ج/ أحلى حاجة، أطهر حاجة، أنقى حاجة، أبهج حاجة.الزواج ضمادة لشقوق روحك، والتقاء بعد الهجر، ومعافاة بعد الحزن، ووصول بعد المعافرة.تخيّل تبقى بجوار رفيق صالح، عبارة عن عن كتلة أمان، بمجرد لمسة تطمأن، فما بالك بجواره على مدار أيامك!تخيل تشارك حد وحدتك، مش مجرد صاحب، مش مجرد مُستقبل لكلامك، مش مجرد مداوي، لا ده هيطيّبك ويخلي أثرك كمان حلو.الحضن أمان.القرب أمان.الصوت أمان.الحركة لرفيقك في شقتك أمان.ربنا خلق الحلاوة في الزواج، مخلقهاش للوحدة.ربنا جعل المداواة كلها في الزواج.شُفت سيدنا محمد والسيدة عائشة!شُفت صلى الله عليه وسلم كان بيشيل همه وحموله وهو بقربها إزاي؟هي دي العلاقة الحقّة، إي والله الزواج حلو، ولا حلاوة تفوقه.